唔買香港樓!鄧梓峰投資海外物業

 

藝人鄧梓峰(十郎)日前接受電台節目主持人訪問,分享90年代曾於中環開設樓上舖代理美國漫畫和售賣限量周邊產品的經歷:「當時我哋分別喺香港批發美國漫畫書同售賣漫畫卡、公仔、紀念版銅像等特別嘅周邊產品。不過當時美國漫畫電影未普及,鍾意漫畫公仔嘅人仲係小眾,市場唔大,需要依靠批發漫畫書為生。可惜三年後,美國出版商卻收回咗我哋喺香港批發權,惟有迫不得已結業。」結業後,十郎一直忙於幕前娛樂工作,所以放下做生意的念頭,直到2008年開始與拍檔經營兒童教學中心至今。十郎坦言兒童興趣班都有分淡旺季:「暑假忙到馬不停蹄,直至九月受開學影響,人數會驟減,而十月中報名人數又會開始增加。」

被問到個人的投資習慣?十郎承認自己是一名保守的投資者:「自己曾經就讀金融及會計系,對投資股票和債券略識一二。債券會固定派息,而且自己係債主,確保能夠收番本金,係較『穩陣』派,所以我都偏向投資債券。相反,股票受全球因素影響,需要好多時間留意市場走勢,所以自己只會投資長期股票而唔會短炒。」至於物業投資方面,十郎表示選擇投資海外物業,因為香港樓市升幅不太合邏輯,感覺購買香港物業相對不太划算。

Source: on.cc